سوھنڑاں دیس ھزارے دا

سوہنڑاں دیس ہزارے دا
اے مُلخ ہے مُچ نظارے دا
سوہنڑے سُچے تے مِٹھے اے ہزارے وال
دکھ درد بچ رہندے جیہڑے نال نال
اے ٹُکڑا چن تے تارے دا
میرا سوہنڑاں دیس ہزارے دا
ہری پور اِتھا تے ٹھنڈا ایبٹ آباد اِتھا
کوہستان اِتھا تے سانجا مانسہرہ اِتھا
اے مُلخ اے پُھلاں دے کھارے دا
میرا سوہنڑاں دیس ہزارے دا
اِتھا ٹھنڈیاں ہواواں کاغان دیاں
تے اُچیاں اے چوٹیاں ناران دیاں
ساوا سبزہ پکھل کنارے دا
میرا سوہنڑاں دیس ہزارے دا
لُو چلدی اے جدوں پنجاب دے بچ
ٹھنڈا ہوندا اے موسم اس ہزارے بچ
یاد آندا ہے موسم فیر اس مُلخ پیارے دا
میرا سوہنڑاں دیس ہزارے دا
میں سارے پاسے پِھر آئیاں تے ساری دُنیا دیکھ آئیاں
میں چین گیاں جاپان گیاں پَر مُڑ کے پاکستان گیاں
کوئی ہور وطن نہی مڑے گزارے دا
میرا سوہنڑاں دیس ہزارے دا

رب دِتاہے حُسن اس کو رج رج کے

غیرت مند رہندے اِتھا گج وَج کے
پنجواں صوبہ ہے صوبہ ہزارے دا
میرا سوہنڑاں دیس ہزارے دا
مُچ مزوریاں کیتیاں تے ہونڑیاد وطناں دی آئی ہے
ساہ مُک گئے نے اَتھرو سُک گئے نے اساں تدہی ٹکٹ کٹائی ہے
تربیلہ ڈیم جُلساں ٹھنڈیانی دیخساں کباب کھاساں قلندرآباد بازارے دا
میرا سوہنڑاں دیس ہزارے دا
کاغان جُلساں ناران جُلساں میں تھاکوٹ بٹل تے بٹگرام جُلساں
شنکیاری جبوڑی تے ڈاڈر دی سیر توں بعدمیں سِدا اپڑیں گَراں جُلساں
ہونڑ ارمان اے ہی ہے اس عِشق بیمارے دا
میرا سوہنڑاں دیس ہزارے دا
جُل جُلاں خالد ہزارے کو
ٹھنڈے مِٹھے تے سُچے نظارے کو